Niðurstöður 2007 haust

Dagana 10. - 11. nóvember 2007 tóku 112 nemendur við Fjölbrautaskóla Suðurlands þátt í garðfuglaskoðun. Þar af sáu 87 nemendur fugla í garðinum sínum á athugunartímanum, en 25 sáu enga fugla. Flestir nemendurnir voru frá Selfossi (40.5%) en annars voru þeir dreifðir um allt Suðurlandsundirlendið. Að þessu sinni sáust 1005 fuglar af 14 tegundum. Stari var algengasti fuglinn (453 fuglar) og en hrafnar sáust í flestum görðum (55.2%). Einnig voru skógarþrestir algengir í görðum (51.7%). Auðnutittlingar sáust í 11 görðum. Þeir voru yfirleitt í hópum. Stærstu hóparnir sáust á Selfossi (50), í Stóru Sandvík í Flóa (30) og á Tumastöðum í Fljótshlíð (26). Að þessu sinni sáust óvenju margir flækingsfuglar. Tvær barrfinkur sáust á Selfossi og tveir hettusöngvarar á Selfossi og í Fljótshlíð (1. tafla).